مصطلحات بنات جدة

المصطلحات

أحب افهمكم حاجه قبل ما ابدا المصطلحات كل بنات الايام دي صاروا ماشاء الله عندهم الانجليزي دبل بريفكت يعني كأنها دارسه توفل وهيا لو جبتولها ورقه وقلتولها الفعل went ماضي ولا مضارع اتحداكم لو عارفه اش هرجة ابوه

مره ياناسو
يعني الشي دا مره لزيز وغالبا يكون الوصف دا للأولاد والبنات

بعد ماكانو يقولو يختي عليه الولد دا حلو

مررررر يحمس ولا حماس كلها نفس المعنى

يعني مررره الوضع حلو وفله ويشجع على بالهم حركة حماس الي في فلسطين

من جد الله يشفيكم

هيمنه

هدي الكلمه مرره ضحكت لمن سمعتها ومنتشره بين بنات المتوسط

معناها يكون لها معنين فله او من هيامه

جييييييد ..
بشد الياء يعني شي مررره حلو ويكون عاجبهم

مع نفسك(with ur self)

يعني لو احد يقولك امشي نلعب اونو او نلعب أي حاجه تقوله مع نفسك يعني اعمل الشي دا لوحدك

موووووز

هدا لمن يكون الولد مررره حلوه صار موووووز مقتبسه من موووزه من جد ما ادري اش الهرجه اصبروا شويا ان

مالقيتوهم يقولو banana

أبو ***
وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه زي برج العرب تقول عليه جوال أبو ***

بيئه(sovaj)

كانت قبل 3 سنوات معناها خدمي يا سبحان الله

هيا سلام

يعني باي يعني مايقدروا يقولو مع السلامه (سخافه من جد)

نشلوح

هيا نصيع ونخرج

نروح الجيم( gym)

قبل سنتين كانت النادي سبحان الي قلبها للجيم ماشاء الله بناتنا لغه

نروح البحر

معناها الكباين او الشاليهات من زمان كان البحر عندنا الكورنيش وابحر

الحروف المشقلبه(الضاد-الطاء-السين)

رياده-رمدان –محادره(رياضه-رمضان-محاضره)

سبحان الي قلب الضاد للدال

متعم-متار-متيري(مطعم-مطار-مطيري)

ثوكلن-بوثه (شكرا-بوسه)سبحان الله كل البنات صار عندهم لدغات

ننبرش

ندخل عرض

ياك

معناها يعععععععععععععع

فافي

معناها الولد دا مرره مدلع

بيبي

يعني حبيبي شالو الحاء باقي شوي يقولو بي

ياراجل

يعني بطلك كدب

بيض اكتر كلمه اكرررها

يعني عفن ماله داعي

مررره كاي

يعني نكته (هههههه) ياتفاهتكم

ارنب

يعني كدااااااااااااااااااب

يلعن ام الفله ياحسام

يعني من جد مررره بسطه

وااااااااااااوwoooow

مررره جنان

كتكوت

يعني يجنن او امور

مررره سخافه

ماتحتاج تفسير

جميل

يعني حلو

الصروب

يعني البدو

أل :

انتشرت بشكل رهيب اضافة ال التعريف من باب المبالغة في الفترة الاخيره

حلو= الحلو

المرحله الثانيه القاموس

كلمات انقلبت بالانجليزي من بعد ماكانو يعرفوال aمن e

Swim= سباحه

Diving= غوص

Marina=مرسى

Fishing= صيد

Make up=مكياج

Water prove= ضد المويه

Foundation= اساس

Bra=سنتيانه (حمالة صدر الله يسلمكم)

Underwear= بعد ماكان كلسون(سروال)

بس خلاص اش كتب واش اخلي من جد ماينعرفلكم علا بالكم يابنات انكم دلوعات وراح تخلو الشباب يعجبوا بكلامكم ترا مره يتريقو عليكم

انا ماكتبت الكلام دا عشان احد يزعل مني انا كتبته عشان انبهكم انو مايصير الكلام دا ترا احنا لسه عرب طيب

احبكم كلكم

منقول

هههههههههههههههههههه

ياحبيلهم بنات جده يعجبوني احسهم ذوق

يسلمووووووو يا الغلا

تقبل تحياتي .

شكـرا على المرور

دمتى بود

ههه
موضوعك مرة حماس بسلمووو

تشرفت بمرورك
الرائعــ
دمت بود
Embarassed