$.. تعـدت حدها لحظة غضـبها ..$

يوم ثارت في جنونا من جنون الجاهليه ,,, عاتبتني لين شبت في شرايني لهبها
استفزتني وفزت وزعلت مني عليـه ,,, وستضاقت من كلامي يوم زعلني عتبها

من بعدها مابقى لي في محانيها بقيه ,,, اسدلت دمع المحاجر للبكاء ورخت هدبها
والله اني مانويت ابدي معاها بالخطيه ,,, بس هي اللي تعدت حدها لحظة غضبها

يمكن اني كنت قاسي بالعتب معها شويه ,,, كثر ماكانت تمنى راحتي وعشق تعبها
والله اني كنت اكابر بالعتب بحسن نيه ,,, بس هو صحيح اني الوحيد اللي عجبها

جرحتني بالكلام وكبرت حيل القضيه ,,, وخسرتبي كل عرق من شرايني كسبها
ولا هي ماكان فيها للموادع مقدريه ,,, والجفاء كانت تمله بس مدري وش قلبها

ليتني مارحت اقايس قيمتي عند بدويه ,,, رجعتلي كل عرقا حبها ولا نهبهـا
علمتني كيف انجح ونتصر وبقى ضحيه,,, وعلمتني كيف قلبي لو غلهبا ما غلبها

وعلمتي يوم صدت عنفوان الاجوديه ,,, ماتلوح للمقفي لو سلبها ماسلبها
رابيه بين القبايل والعرب واهل الحميه ,,, عاقله ماتقبل الامخلصا تعرف رطبها

ان تهادت ذكرتني في خفوق العامريه ,,, ون تمادت تركب بليس الرجيم وماركبها
جفنها لا سلهمت به مايطيق السامريه ,,, تسحبه براة عينه ون سهت عينه سحبها

ان حكت تعطي مكانه للحروف الابجديه ,,, كن كلمتها تلفت للكلام اللي عقبها
والحروف اليا تعدت بالشفاه النرجسيه ,,, كنها صارت قصيده بس ربي ماكتبها

وش بوصف من حلاها وش بخلي للبريه,,, مابها بالحسن عيبا وكشفت الا حجبها
شعرها فيه الخوي اللي تبرى من خويه ,,, والشفا لوتشرب الماء وختلط فيها شربها

كن في ظلمة شفاها جمرتين بنار حيه ,,, كل من حس بدفاها وحترق صد وقربها
شفتها مثل الجريمه وبتليت ابها بليه ,,, غلطت (ن) جيت بتحاشى ظلمها قلت ارتكبها

كل شي شفت فيها فيه نظرة جاذبيه ,,, موهبه من فضل ربي وشهد ان الله وهبهـا
كلهــا لله باللله فاتنه هـــ الادميــه ,,, عاجبتني من بداية راسـها لسفل كعبهـا

لو تبادلني شعوري والهديه بالهديه ,,, ما وفتني لوتبيع ثيابها وغلى ذهبها
هملتني والقلوب الجرهديه جرهديه ,,, احرمتني والمحبه نارها تاكل حطبها

ولا انا ماكنت اكابر والليالي سرمديه ,,, يمكن اللي غصبني للولع فيها غصبها
ياخفوقي ودري انك منت في حاجة وصيه ,,, شف مكاني ونت تدري وين يمت عربها

رح لها ون كان فيها قلب يطمح للمجيه ,,, شف طلهبا في عروقه ون حصل تمم طلهبا
ونشده من قال عنها ونهدر دمي بريه ,,, قله ان اللي حصلي بالمحبه من سببها

ولو يقول اني تعمت الزعل لاجل الاذيه ,,,قله اني ماتحمل بالعتب قلة ادبها
ولو يقول انه انا اللي كنت بادي بالخطيه ,,, قل هي اللي تعدت حدها لحظة غضبها

لكم احلى تحــيـه
أخوكــم
@ ولـــد الـــريــــاض @